周秀娜角逐東方奧斯卡影后 抽空赴美觀賞時裝騷

撰文:洪曉璇
出版:更新:

周秀娜去年主演由彭秀慧執導嘅作品《29+1》,於歐洲及亞洲等地影展同頒獎禮上都獲得一致好評,同時佢亦首次入圍角逐今年《香港電影金像獎》「最佳女主角」。至於被喻為東方奧斯卡、將於今日(9月12日)於寧波舉行嘅《十大華語電影盛典》, Chrissie再憑《29+1》角逐「年度最佳女主角」,Chrissie 對此感到既榮幸又興奮:「梗係開心,《29+1》 能夠去到咁多地方,得到咁多人嘅支持同肯定,呢樣係好難得, 我會好珍惜。我唔會諗有冇獎,有得被提名已經係對自己嘅鼓勵, 最緊要觀眾鍾意,同埋好希望嚟緊嘅日子,可以拍到更多好嘅作品。 」

Chrissie再憑《29+1》角逐「年度最佳女主角」。

除咗拍戲之外,Chrissie早前更應品牌邀請,飛到美國出席活動及欣賞紐約時裝騷,期間 Chrissie 並擔任媒級客席編輯,訪問超模 Kate Moss 及韓國名模朴秀珠等。而大會對娜姐非常體貼,當她抵達紐約後,即把新一季的服裝及手袋送去酒店房任娜姐挑選。Chrissie稱此行雖然趕到飛起, 頭尾連坐飛機來回只得一個禮拜,連適應時差都冇時間, 但她一樣覺得好充實,是一個難忘旅程。

Chrissie應邀到美國睇時裝show,令佢購物癮大發。
+4
發表評論...