岑珈其首次與女優「明日花」拍廣告：導演要求我望實佢敏感部位
撰文：吳子生
出版：更新：
岑珈其昨晚（18/9）現身尖沙咀舉行電影《非同凡響》慈善首映禮。珈其在戲中飾演林嘉華兒子，有幕嘉華哥會連番掌摑珈其面額，打到面都腫脹。「拍呢劇戲真喺好激烈，講我老豆（林嘉華）要兜巴摑落去我塊面度，嘉華哥同我講為咗演出嚟效果好，叫我忍一忍辛苦一陣，但每次佢打完我，都會即刻問我有冇事，好關心我怕我被真的打傷，呢個令覺得窩心嘅地方。」
岑珈其表示能夠與兩位前輩林嘉華、劉玉翠演戲，真喺獲益良多。（陳順禎攝）
日本人氣女優明日花綺羅近日來港，夥拍四大猛男岑珈其、趙永洪、及徐浩昌（肥腸）張建聲拍攝廣告，片中可見明日花演出相當性感，一眾猛男目不轉視，緊叮住「明日花」豐滿上圍，十分野笑。「起初拍呢個廣告時都好趕急，都唔知會有位日本女優同場演出，佢哋講我知佢叫『明日花』，喺日本AV界好出名好犀利，我話真係唔知，佢哋叫我咪扮嘢，可能我年紀比較大，只識日本吉澤明步，及後我都有上網翻查佢嘅資料，當埋位拍攝時，導演要求我望住佢敏感部位，我覺得好尷尬，問導演真係要望呀？導演話：『係呀，我要個效果呀，同我望實啲呀。』咁為有照望啦，拍咗幾個鐘就完成，大家都拍得好開心。」
岑珈其覺得「明日花」真人好靚。（陳順禎攝）