【黃金兄弟】曾志偉不惜超資拍攝 望觀眾入場 ：港產片返嚟喇！
撰文：賴家杰
出版：更新：
由曾志偉監製及主演的電影《黃金兄弟》，昨日（18日）在香港舉行首映，早前志偉聯同戲中一眾演員到其他國家做宣傳，昨晚終於輪到香港站，志偉笑言感覺特別好：「呢一部戲係一部好難得嘅電影，雖然大家成日見我哋返大陸拍戲拍大成本電影，好多內地演員，但呢一部真係一套好港產片嘅電影，大家除咗見到我啦，同佢哋5個（鄭伊健、陳小春、錢嘉樂、謝天華、林曉峰），戲中好少內地演員，去到台灣時候好多人都同我哋講好耐冇見過咁嘅港產片，大家都好開心，覺得港產片返嚟喇！」
曾志偉圈中人緣一直好好，昨日（18日）《黃金兄弟》首映不少圈中好友到場支持。（葉志明 攝）
【黃金兄弟】22年前《古惑仔》浩南哥戰車重現 連呢位仇家都撐場
其實這次全因志偉哥的提議先有這一部的電影出現，「我同佢哋講唔應該只係開演唱會，應該開一部電影，我想想，然後覺得觀眾都想睇佢哋拍戲，所以幫佢哋度故事，然後嘉樂問邊個做導演？我話你囉，拍你哋五個人，佢話好呀，正呀！你睇下有咩動力可以令嘉樂停低兩年工作，專心做一件事呀？就係五兄弟一齊拍一部電影，雖然兩年內賺少好多錢，但好開心。」
志偉哥說到跑宣傳比起拍戲更累。（葉志明攝）
早前五子做訪問時候說到這部電影超資，全靠志偉哥及成龍幫手出錢，志偉哥說到確實是超資了很多：「好多謝啲老闆體諒，去咗好多地方，喺其他國家都已經拍咗11個月，我自己都未拍攝過咁大型嘅戲，所以冇得講，不過拍岀嚟老闆都好滿意。」
志偉哥好開心能夠一班人拍攝了這部電影出來，拍攝過程非常開心。（葉志明攝）