【無敵破壞王2】新預告Pixar角色亮相做彩蛋 雲妮露想長住互聯網
撰文：許育民
出版：更新：
今年聖誕檔期的動畫電影代表，《無敵破壞王2：打爆互聯網》（Ralph Breaks the Internet）又有新預告，首預告最驚喜係有成班公主現身，而且仲係展現出真面目，惡形惡相。來到第三條預告，公主們繼續有出場，仲同女主角雲妮露打成一片，一齊影合照，好投契。
上一次預告已經有出現呢幕。(影片截圖)
今次預告進一步話俾大家聽個故事發展，原來兩位來到互聯網世界，係想買番個電子遊戲軚盤，但過程中就遇到不少困阻，同時又識到好多新朋友，好玩到令主角雲妮露樂而忘返，但呢種心情就唔可以同破壞王講，二人間的友誼似有暗湧。
呢個畫面令人睇到相當開心興奮。（影片截圖）
+2
預告另一亮點是繼續有彩蛋現身，好似Pixar的巴斯光年同Baymax竟然同場，非常過癮，而破壞王更玩到去暗黑網，遇見更多奇人怪事，好生活化，睇嚟今集《無敵破壞王》會更加精彩。