【黃金兄弟】鄭伊健浩南上身騷肌謝票 票房破億考慮拍前傳
撰文：陳穎思
出版：更新：
新片《黃金兄弟》上周開畫，昨日導演錢嘉樂與鄭伊健、林曉峰及監製曾志偉忙於四出謝票，鄭伊健與林曉峰組成一隊，期間眼見預先準備好的禮物派晒，情急生智將身上的外套脫下送給影迷，脫下外套的伊健只剩一件白色背心，露出結實胸膛和粗壯「麒麟臂」，令在場女粉絲尖叫。
伊健與阿Lo昨日到戲院謝票，脫下外套的伊健瞬間變浩南。（電影公司提供）
但最驚喜的是，伊健這一身造型，彷彿變回廿幾年前的《古惑仔》「陳浩南」，經典回憶出晒嚟！至於何解兩位演員會如此大方脫衣送禮，原來跟其中一名男觀眾的感動發言有關：「我係嚟睇你哋5個，你哋當然有號召力，但套戲唔係我想像中咁樣，係比我想像中更好。以港產片嘅動作片嚟講係好高水準，呢個係錢嘉樂功勞，而你哋5個嘅感情位都好好，呢部戲好好睇。」
《黃金兄弟》票房報捷，監製曾志偉話有意開拍前傳故事。（電影公司提供）
更多謝票現場照片
+2
再望真啲，發現伊健大隻了不少，他表示因為拍《黃金兄弟》受了傷，自覺未操得夠Fit，令他下定決心再去健身：「拍戲就係咁，越難嘅動作就冇事，我嗰次受傷做嘅動作其實好簡單，但竟然斷咗一條韌帶咁傷，我覺得自己唔夠弗，我要練得更強壯！」