【復仇者聯盟】徐錦江雷神上身搵秦煌組隊 娜美有個超索真身

撰文:
最後更新日期:

繼上次已經搵到徐錦江扮雷神拍廣告後,PlayStation今年再接再勵,召集7位藝人及網絡紅人,拍下全新一輯廣告「召喚!神一般の隊友!」,眾人更化身成10位玩家都想爭奪合作的「神Teammate」,當中秦煌就變成《奇異博士》的拍檔「王」,極神似。不過,再神都唔夠扮演一拳超人嘅佢......

將兩圖併上,你就睇到兩者有幾似。(網上圖片)

7位藝人及網紅包括︰秦煌、徐錦江、「達哥」林慧韡、鄭子誠、戴耀明、簡幗儀Lilian以及同馬雲撞樣的四川網紅柯全壽,各人按自己特質神還原不同角色;例如徐錦江在毫無對手下再演雷神,秦煌以身形贏得《奇異博士》王一角,最神當然有網民一直話神似、戴耀明飾演的一拳超人,最好笑是片中對白仲有句︰「一拳唔得,咪兩拳囉!」

秦煌呢個角色叫電工煌,其實好明顯即係《奇異博士》中的王。

全體造型逐個睇

+7
+6
+5

除此之外,其他角色都唔弱,好似達哥的掃把男神,就取材自《星球大戰》的Kylo Ren,簡幗儀Lilian就以火辣身材,現身扮演《海賊王》娜美,名為收兵女神,以呢副身形,收兵無難度啦。不過當人人都要扮演時,有位仁兄就扮都唔使扮,一嚟就係。佢就係四川網紅柯全壽,他本身是成都的一個小區護衛,但因為天生一副馬雲相,輾轉變成網絡紅人,仲以這個優勢接下不少廣告,相信連佢自己都想不到有日可以靠樣搵食。而今次就扮演叢林宗師,以及貌似阿拉丁的魔法網紅。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。