【無雙】繼《寒戰II》再度合作默契盡現 周潤發郭富城互窒唔嬲
撰文：趙允琳
出版：更新：
周潤發（發哥）、郭富城（城城）、廖啟智、周家怡及張松枝等一眾主要演員昨晚（2日）出席電影《無雙》首映禮，發哥與城城再次合作，他們都表示相當興奮。發哥：「我咁難得有呢個機會，即係《寒戰II》之後同影帝合作。」城城謙虛道：「發哥先係影帝仲嘅影帝啊！我係後輩，所以（發哥）係學唔到嘢。」他更大讚發哥：「發哥係一個做好準備去現場嘅好好嘅演員，變咗你去到拍嘅時間裡面就好順利。」被問到戲中最難忘一幕，發哥：「爆完以後我攬住佢（城城）嗰度，大家死過翻生！」
周潤發、郭富城繼《寒戰II》之後再次合作，昨晚（2日）齊齊出席主演電影《無雙》的首映禮。（葉志明攝）
傳聞中發哥拍戲經常都會請大家吃飯，今次又有沒有請食飯？發哥稱：「唔係請食飯，我係有間士多喺度啫！」原來他口中的士多是指片場裏由發嫂一手一腳安排的「發嫂士多」。城城更大讚發嫂的這間士多：「咩都好食㗎喎！要咩有咩！」
傳發哥每次拍戲都會請大家食飯，今次就派出發嫂一手一腳安排的「發嫂士多」在片場「經營」。（葉志明攝）
發哥是運動發燒友就眾所周知，連遠在北京出席首映都分秒必爭在朝陽公園和奥林匹克公園跑步跑了2天。他笑指自己愛上做運動後，發現原來實際年齡跟身體機能是會越來越不成正比，他更提醒年輕人要多做運動，例如每天原地踏步15分鐘。
運動發燒友發哥呼籲年輕人每天原地踏步15分鐘，更馬上拉著城城在台上即場示範，一邊原地踏步一邊做訪問，場面搞笑。（葉志明攝）
被問到城嫂（方媛）看完電影後有沒有給什麼評語，城城呷醋道：「發哥好靚仔囉！」發哥好奇道：「睇國語版啊？佢識唔識聽廣東話㗎？咁你囡囡講廣東話定係國語啊？」城城：「唔好講呢啲住啦！」發哥繼續發功：「個女靚過你啦郭富城！我鍾意你個女多過郭富城！」