【無雙】面對「票房保證」有壓力 周家怡暴瘦獲益良多

撰文:
最後更新日期:

由周潤發及郭富城主演的電影《無雙》昨日(2日)晚上舉行首映禮,戲中主演之一周家怡出席首映禮時表示非常緊張:「其實我仲未睇,我都好想知道自己演出係點,我知道佢哋剪得好配樂亦好好,所以都好想睇。」雖然正式開畫是10月4日,但早在幾天前已經有優先場,家怡透露已有朋友去觀看了:「嗰個都話好好睇,一部難得嘅港產片,佢哋覺得正呀!好耐未睇過港產片,都話算係咁多年嚟好睇嘅一套。」

周家怡昨日(2日)出席電影《無雙》首映禮。(葉志明攝)

《無雙》可以說是巨星坐鎮的電影,全因周潤發、郭富城及張靜初等是票房保證,但這麼多巨星支持著這部電影,家怡也能在戲中也佔很重比例,聽到這裡家怡解說:「其實好多謝導演畀呢個角色我,當時我一睇劇本都要睇幾次先明白,跟住我一睇到角色係好有發揮,我好多謝佢對我有信心。」戲中角色造型上家怡說到有好大發揮,是否因為這樣有助她演技大發揮?「我拍呢一部電影其實我有袋到錢入袋,除左收片酬之外,演戲方面導演教我哋演法呢會將多餘嘅沙石抽走咗,所以變咗另一個演戲方法,所以真係好開心,獲益良多。」

家怡今次面對「票房保證」級演員直言相當緊張。(葉志明攝)

問到家怡戲中其實拍攝期間角色需要暴瘦,令人懷疑是不是另一個人在飾演?「戲中其實有分前後期,曾經有人講過睇完唔知道係同一個人,佢哋話番畀佢知係周家怡嚟㗎,不過我自己未睇,所以我都好想睇下係點,我諗我都算係喺戲裡面其中一個彩蛋之一。」但家怡本身也是很瘦的女生,怎樣的方法令到她再瘦一碼?家怡笑言很簡單:「拍戲時候好集中,所以為了做好一件事,其他都唔重要。食少啲嘢,再加跑步,發哥經常教我哋跑步,都完之後發哥組成一個《無雙團》成日去跑步。」

家怡為拍《無雙》特意減肥,還被周潤發拉去一起減肥。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。