【復仇者聯盟4】病重Marvel迷望死前欣賞全片 獲迪士尼暖心回覆

撰文:洪曉璇
出版:更新:

願望每個人都有,如果有一日走到人生盡頭,都會希望唔使留有遺憾。去年8月,英國一名患癌女童人生去到最後階段,其最終願望就係想知《復仇者聯盟4》(Avengers:Endgame)劇情,隨即超過12萬個網民轉發希望幫佢圓夢。最近又有一名罹患罕見疾病嘅澳洲影迷,發文表示擔心自己等唔到4月尾《復仇者聯盟4》上畫,經網友瘋狂轉載後,迪士尼公司有回應啦﹗

《復仇者聯盟4》(Avengers:Endgame)將會鴞4月尾正式上映。(網上圖片)

【復仇者聯盟】末期癌童想知《復4》劇情 12萬轉發促圓最後心願

Marvel方面保密功夫做到滴水不漏,講明上映前所有宣傳,只圍繞頭15分鐘劇情。 (網上圖片)

住喺澳洲嘅33歲Marvel影迷亞歷山大,罹患罕見疾病「范可尼氏貧血」(Fanconi Anemia),更引發肝癌、口腔癌及骨髓衰竭。佢喺網上發文,表示擔心自己會喺4月尾《復仇者聯盟4》上畫前離世留有遺憾,又話曾經聽聞過有人可以提早睇到電影,詢問網友有無意見提供。

罹患罕見疾病「范可尼氏貧血」嘅33歲Marvel影迷亞歷山大,怕自己無命等到四月尾《復仇者聯盟4》上映。(網上截圖)

呢個發帖隨即引起極大迴響,大批網友爭相轉發,改圖拍片呼籲,並喺Twitter發起「#Avengers4Alexander」(復仇者為了亞歷山大),4日之後就得到迪士尼方面回應啦﹗亞歷山大於Twitter表姐迪士尼方面已經同佢聯絡,正在商討如何實現佢嘅願望,即係佢有機會成為全球第一位睇到《復仇者聯盟4》全片嘅fans﹗

網友喺喺Twitter發起「#Avengers4Alexander」,終於獲得迪士尼方面回應。(Twitter 圖片)
亞歷山大婉拒網友捐款好意,更提意大家考慮捐款俾「范可尼氏貧血研究基金會」(Fanconi Anemia Research Fund),令更多人認識這個疾病。(Twitter截圖)
+2