《反斗奇兵4》（Toy Story 4）將於今年暑假上映，這部大人及細路都咁熱愛的電影系列，背後原來有不少被消失的暗黑情節，以下六大刪除畫面假若真的加入正片當中，相信會令大批粉絲崩潰！

1／玩具恐怖報仇 《反斗奇兵》其中一幕是向破壞王Sid報仇，據悉原劇本中出現身首異處的BB公仔由樹上吊落嚟場面。

公仔被分屍都夠恐怖，仲要綁住條頸被吊下，似恐怖片多過合家歡卡通，結果當然被刪走。

2／反斗奇兵殺入台灣： 早年曾傳出迪士尼與Pixar或有機會拆夥，而《反斗奇兵》作為旗下最賣座的系列，迪士尼當然唔會放手，有意自行開拍第三集。

劇情講述將出現故障的巴斯光年送回台灣的原產工廠維修，繼而進行不一樣的冒險旅程，唔知會唔會飲埋珍珠奶茶？

3／胡迪的惡夢： 大家應該記得第二集曾出現胡迪發惡夢被安仔遺棄的場景，突顯他的焦慮與不安。

原來創作團隊構思第一集時曾想出類似場景，講述安仔嫌棄胡迪不像巴斯光連會發光而丟掉他，這一幕連Storyboard都畫埋，然而最後沒有出現。

4／三眼仔救唔切： 相信《反斗奇兵3》最感人一幕是，幾位主角手拖手在焚化爐前準備迎接死亡，危急關頭幸好有三眼仔出手，才逃過一劫。

然而，電影的初期設定是，三眼仔沒有出手，幾位主角面臨被燒焦成一團膠，諗吓都覺得恐怖。

5／暗黑胡迪： 仲記得第一集胡迪與巴斯光年爭風呷醋，前者意外令後者跌落樓，嚇親不少影迷，但原來仲有更恐怖的刪剪場面！

劇情講述安仔媽媽宣布一家人將會移民去Pizza Planet，安仔只可以帶一件玩具走，胡迪為了跟安仔離開，竟將巴斯光年推落街，仲扮嘢同其他玩具講救唔到巴斯，認真恐怖。

6／暗黑胡迪2： 除了前面所講殺巴斯之外，仲有幾個刪除畫面係講胡迪有幾衰。

其中一幕是彈弓狗整色整水博胡迪注意，但胡迪不止表現嫌棄，仲出手掌摑他，玩具之間的爭風呷醋原來可以咁恐怖。

7／Sid瘋狂虐待玩具： 破壞王Sid在第一集虐待一眾玩具，衰格之極看得人牙癢癢。

然而原版場口相信會令觀眾嬲到出煙，事關Sid虐待玩具的手法更變態，一巴摑到胡迪飛落地，咁暴力當然唔可以出街啦。