【八個女人一台戲】鄭秀文梁詠琪20年後再合作︰笑臉上流失骨膠原

撰文:
最後更新日期:

第43屆香港國際電影節於昨晚(27日)舉行《八個女人一台戲》首映,由鄭秀文(Sammi)、梁詠琪(Gigi)、白百何、趙雅芝、齊溪、商天娥以及周家怡演出,看畢首映後大家前往尖沙嘴1881出席慶功宴,Sammi跟Gigi更有接受傳媒訪問。

Sammi表示整個團隊一個演員都不能少,更希望大家可以見到自己的進步。(陳順禎 攝)

Sammi和Gigi在戲中會有不少花火和鬥嘴戲,先前Gigi表示兩人角色設定為有些過節,台上有滿滿的火藥味火花,不過時隔20年再度合作,真係好開心,而且更開心可以跟關導合作。

Gigi笑指自己以前無試過做一個咁意氣風範嘅演員,今次認識到好多演員好開心。(陳順禎 攝)

Sammi則表示自己今日有行程在身,未能觀看首映,不過聽說反應出乎意料的好,感到安心。當問到戲中有不少鬥嘴鬧交場口,會不會在拍攝時好搞笑?Gigi先回應:「有啲舌劍唇槍嘅畫面,不過我哋並唔係真係嗌交、扯頭髮嗰啲,反而我鍾意劇本係每一句台詞都好有力,每場戲都好交代到我哋嗰種火藥味,大家睇戲就會知,所有嘢都剛剛好。」

Sammi笑指自己同Gigi又青春又成熟,一樣咁靚!(陳順禎 攝)

另外提及兩人時隔廿年再度攜手合作,Gigi即時大讚Sammi變得更漂亮,大家都更成熟,Sammi聽畢即時笑着回應:「又青春又成熟,既成熟又青春!」Gigi繼續補充:「一齊合作拍戲時,當然同廿年前好唔同,大家嗰時仲有好多骨膠原喺塊臉到。」Sammi:「依家乾晒喇,成塊臉都乾晒喇!不過大家真係成熟咗,經過咁多年嘅相處,大家個感情係累積嘅,覺得嚟到呢部戲大家個感情又再重深咗,同埋大家傾嘅偈都已經唔係Hi,Bye啊,大家真係會傾啲深入啲嘅偈,今次係一個演員同感情嘅躍進。」兩人更為此戲改了一個新名《八個女人一條心》!

Sammi跟Gigi表示很希望有機會再合作,因為真係好好玩!(陳順禎 攝)

Gigi 25號生日特登開Live跟粉絲一齊過,又唱歌給他們聽,Gigi開玩笑講怕流失粉絲,但今次為表感謝他們一直以來的支持,所以在生日這麼重要的日子選擇跟粉絲過,搞一個小Party。

而Sammi近日榮升長輩級,她笑說:「第一次坐喺度被人跪地斟茶,其實當下反應好感動,但又唔知點反應,因為斟完茶要講一啲嘢,飲完茶之後就要早生貴子,一路生落去,幸福美滿,有咗今次經驗下次就會做得好啲,唔會咁緊張,(安仔呢?)其實佢好放鬆,比我更放鬆,我就好緊張。」

+16
+15
+14
a target="_blank" href=" https://hk01.app.link/zAfjAqgeEO">


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。