【拆彈專家2】爆破場面浪接浪 吳卓羲Baby John力証拍攝安全

撰文:
最後更新日期:

電影《拆彈專家2》昨天(8日)舉行煞科宴,吳卓羲、黃德斌、蔡瀚億(Baby John)都有出席,三位都異口同聲說到電影來到第二部,所有的事情都升級了,Baby John說:「喺唔劇透嘅情況底下講,就係呢一部戲所炸嘅標誌性香港建築物會更加震撼;而每個角色亦都比上一集更加突破。」黃德斌說:「除咗動作場面,今集連感情都唔係好簡單!尤其是劉德華同劉青雲之間嘅感情係好值得去睇。」

《拆彈專家2》一眾主演劉德華、劉青雲、吳卓羲、黃德斌、蔡瀚億、洪天明、張揚、凌文龍等出席煞科宴,陣容可謂十分鼎盛。(陳順禎攝)

戲中有不少爆破場面,所以對演員而言亦需要更多安全指引,吳卓羲說:「始終一套咁大型嘅電影,爆嘅時候通常都係真材實料;爆破組、武術指導會幫我哋走晒位,確保喺安全情況底下去拍攝每一個鏡頭。」Baby John親身力證拍攝安全,笑言:「第一部我要自爆,而家都可以完整無缺企喺到,就知道大家都係好專業去排練。」黃德斌就說:「我今次唔洗打人,所以就唔會有事。」

吳卓羲直言在他的角度,每一場戲都很深刻,看來電影中有不少精彩場面值得期待。(陳順禎攝)

《拆彈專家2》有劉德華及劉青雲兩位影帝加持,三位紛紛都說要向影帝偷師,吳卓羲說:「其實青雲哥比較靜,我哋就趁佢拍攝嘅時候喺側邊睇佢點演,再盡量去吸收。」Baby John也說:「之前好多人都問我會唔會同前輩偷師,我都會話:『會啊!我會睇佢哋拍!』唔知係咪因為咁,導演就安排咗今次我拍嘅所有場口都係自己做,所以我唯一偷師就係趁佢哋拍緊嘅時候,我搭車入去睇一睇。」吳卓羲也笑言難怪經常在現場看到Baby John。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。