【拆彈專家2】邱禮濤與劉德華劉青雲合作感幸運:未睇劇本就OK咗

撰文:
最後更新日期:

電影《拆彈專家2》昨天(8日)舉行煞科宴,導演兼編劇邱禮濤率領一眾主演:劉德華、劉青雲、吳卓羲、黃德斌、蔡瀚億(Baby John)、洪天明、凌文龍等出席,邱禮濤提起當初拍《拆彈專家》的緣由:「因為我哋喺香港生活成日都會經過紅隧,就諗有咩題材嘅電影係可以拍紅隧;然後二零零幾年嗰陣我幫香港電台拍咗套警察嘅劇集,當時就接觸到警隊裡面嘅拆彈專家,就對呢個職業產生興趣,香港電影又冇點拍過呢個部門。」

邱禮濤率領一眾主演:劉德華、劉青雲、吳卓羲、黃德斌、蔡瀚億(Baby John)、洪天明、凌文龍等出席《拆彈專家2》煞科宴。(陳順禎攝)

電影可以開拍續集,邱禮濤說:「會拍第二部當然因為觀眾喜歡、老闆又覺得值得再搞。」第二部連成本都加碼:「第二部規模又大咗,老闆都要求拍大規模啲。」所以在選角上亦毫不吝嗇,導演親自邀請影帝級人馬劉德華及劉青雲合作拍攝:「好享受,兩個都係好好嘅演員!」導演又自覺幸運:「兩個都未睇劇本基本上就OK咗。」

《拆彈專家2》的後期製作預計需要十個月至一年去完成,觀眾們可能要再等待一陣子。(陳順禎攝)

邱禮濤認為《拆彈專家2》的拍攝過程算是順利、沒有什麼大困難:「好多場景都唔可以取實景,例如破壞、爆炸都唔可以喺現場拍,所以就要搭好多景;亦都牽涉好多特技,雖然呢啲係有少少難度,但除此之外整體過程都拍得好順利、好開心。」是次特技的部份較多,後期製作亦相對秏時,邱禮濤認為作為導演有責任令電影以完美姿態上映,對後製部分亦十分上心:「同套戲本身原意會唔會唔同咗、離開咗劇情;或者係審美上嘅一啲判斷,都係導演要去做。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。