【星球大戰9】終極預告登場　全體角色集氣迎接最後一戰

《星球大戰》系列第九集最終回，《星球大戰：天行者崛起》（Star Wars: The Rise of Skywalker）鐵定今年12月19日上畫。電影今日推出終極預告，最令人興奮是大部分熟悉的角色都一齊登場，完全係終極一戰的場面。

電影是《星球大戰》後傳三部曲的最後一部，亦是系列的最後一集，雖然已知迪士尼會著手開拍延續篇，不過這都是一個階段的結束。來到最終回，8月公開的首預告已經令人起晒雞皮，預告由1977年首部曲開始，讓觀眾一同回顧該系列超過40年的銀河之旅，尤其見到已故影星Carrie Fisher飾演的莉亞公主，回憶唔止返晒嚟，直頭係湧出嚟。

全新預告同樣精彩，不單止莉亞公主跟Rey來個情深擁抱，C-3PO、R2-D2，仲有侏兒（Chewbacca）都先後登場，總有一幕令你感動起來。