【犯罪現場】姜皓文「燒紙龜」求停雨開工 薛凱琪不慎台上劇透

撰文:
最後更新日期:

爾冬陞監製、馮志強執導的懸疑追兇電影《犯罪現場》,由古天樂、宣萱、張繼聰、顏卓靈(Cherry),「黑哥」姜皓文、薛凱琪(Fiona)等人主演,昨晚(22)假九龍灣國際展貿中心舉行首映禮,在結束祝酒儀式後,黑哥、顏卓靈和Fiona都有接受訪問。

攝影:梁碧玲

黑哥跟張繼聰於《陀地驅魔人》後再合作,黑哥指其實大家都冇太大分別,阿聰一樣咁搞笑。(梁碧玲 攝)

講到拍攝趣事,黑哥提到戲中有場在馬灣拍攝的槍戰戲,當日落很大雨拍得好辛苦,黑哥表示:「個日真係好甘啊!落勁大雨唔停,又要拍槍戰,跑嚟跑去,最後要靠導演出手,他按照民間傳統剪隻紙龜出嚟燒求停雨,結果又真係停咗一陣!」原來有個民間習俗,黑哥更說要導演親自燒先得,所以佢當日真係畫了很多隻去燒。

當黑哥講出燒烏龜習俗時,顏卓靈和Fiona都露出不可思議的表情。(梁碧玲 攝)

避免NG不停練跑
首次扮演女警的Cherry就表示,今次拍戲最爽一定係開槍,覺得好好玩,因為平時打機最鍾意玩槍Game同打喪屍,今次有得用槍覺得好興奮,同時又可以在佐敦道上追逐,是非常難得的經驗。由於今次跟很多前輩合作,好似古天樂先生、黑哥咁,所以她表示自己在片場都不斷練習跑步和掹槍,為求不要在拍攝自己戲份時NG。

顏卓靈對於首次扮演女警感到相當興奮,直言最爽就係開槍。(梁碧玲 攝)

Fiona在首映禮上自爆角色,嚇得導演即時叫停佢唔好劇透。不過她最後索性豁出去:「而家唔驚㗎喇!我係反派!都講咗咯。」即時引來全場爆笑。(梁碧玲 攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。