台版買兇拍人《江湖無難事》 女主角意外身亡點樣變一屍到底?

撰文:許育民
出版:更新:

自上年底一套《返校》,今年台灣又來一套話題電影《江湖無難事》。故事以電影製作人做題材,用盡辦法拍出一部喪屍片,所以被譽為《低俗喜劇》X《屍殺片場》,不過看過該片,其實當中內容更似《買兇拍人》,特別是以低成本製作,拍出高質素玩味,那份反差相當吸引,難怪該片在台灣爆紅。
在當地被由《愛的麵包魂》導演高柄權領軍執導、台灣男神邱澤翻轉形象、並聯同性感女星姚以緹及新生代男演員黃迪揚爆笑落力演出!電影被評為香港《低俗喜劇》X日本《屍殺片場》 版本的台灣喜劇,拍出一套意想不到、低成本高質素、玩盡台灣影圈和黑幫大佬的瘋狂喜劇! 姚以緹更於戲中破格演出,一人分飾四角成為一時話題,更憑本片獲提名第56屆金馬獎「最佳女配角」!

兩位對電影充滿熱誠嘅年輕人,就係一直冇得正正經經拍套戲出嚟。(《江湖無難事》劇照)

戲中兩位男主角邱澤、黃迪揚,一齊拍住上,追尋屬於自己的電影夢,可惜久久未能成事。邱澤近年拋開型男包袱,一改形象拍下笑片,今次演出可謂相當稱職。不過更搶鏡的是女主角姚以緹,在戲中一人分飾四角,既有江湖阿嫂,亦有人妖舞孃,難怪可以憑該片獲提名第56屆金馬獎「最佳女配角」!

大佬開戲要阿嫂做女主角,今次真係「條女」唔係「條騾」。(《江湖無難事》劇照)

宣傳說它似《低俗喜劇》,因為故事講兩位年輕人都係千辛萬苦,為拍一套自己心儀的電影。兩位男主角相交10多年,但就一部作品都冇,苦無收入下唯有咩都接,婚禮喪事都當電影咁拍,甚至出動航拍機,但就搞出大頭佛,成個喪禮被佢搞彎晒。

不過呢一著竟換來一個機會,一位黑道大哥龍哥就睇中他們的喪禮片,於是就決定課金俾兩位開戲,唯一條件就是要由大嫂來演女主角!機會終於來了,決定開個瘋狂派對狂歡一晚,點知狂歡過後第二朝,竟發現阿嫂浮在泳池中已氣絕身亡……呢件事兩位都唔敢同大哥講,更決定豁出去,打算用條屍完成埋呢部電影。

+1
發表評論...