【春光乍洩】關淑怡最後電影演出慘遭全部刪走:我喊咗七次

撰文:秦志鴻
出版:更新:

關淑怡(Shirley)今日(5日)在IG宣布退出樂壇,雖然未知事情如此突然的原因,不過相信有不少樂迷都會大嘆可惜。但其實Shirley當年在樂壇紅極一時之外,亦有參演過電影拍攝,而最令大家印象深刻,而同時又沒有印象的作品必定是由王家衛執導、張國榮與梁朝偉合作的電影《春光乍洩》,因為Shirley參演的片段,在電影上畫的版本竟然被刪得一乾二淨。

王家衛憑《春光乍洩》奪得「第50屆康城影展最佳導演獎」。(電影劇照)

喊咗七次

2008年,關淑怡為節目《志雲飯局》擔任嘉賓,她被主持人陳志雲問到有關當年戲份全刪的事,Shirley亦毫不避諱地如實回答:「(點解會有呢次契機呢?)最初係王家衛同我有共同朋友。(拍咗幾耐?)初初同我講十零日左右,但最後去咗兩個幾三個月,(有冇劇本?)佢出咗名係冇劇本,其實當刻拍,第一我冇乜經驗,因為我唔係全職演員,但我覺得我實驗形式去合作係好嘅,(有冇同你講你個角色係點?)係有提過吓,話同偉仔(梁朝偉)係有對手戲,但拍嘅時候係有啲唔知佢諗咩嘅,要剪完出嚟先知。」雖然戲份被全刪,但Shirley表示並不介意,亦稱有收片酬,「我記得有一次佢叫我望住個大瀑布喺度喊,嗰度係旅遊景點,仲要我演戲又唔係咁叻,要我喊真係好難,但佢好叻,佢真係整到我喊,佢會講一啲嘢令到你喊,我記得我嗰次喊咗成七次,當時係喊,停機,然後畀啲人行,又再拍,又再喊,因為嗰度係遊客區,唔可以拍太耐。」

關淑怡參演的片段其後在1999年推出的紀錄片《攝氏零度‧春光再現》中看到。(網絡圖片)

當年關淑怡嘅角色係黎耀輝(梁朝偉飾)的女友:

+10

你可能感興趣