【靚妹仔·專訪】麥德和曾介紹梁朝偉做臨記 人工唔夠食碗米線?

撰文:陳穎思
出版:更新:

經典港產片《靚妹仔》近日重映,兩位主演溫碧霞與麥德和雖然戲中無交集,但戲外就相當有緣,幾年前仲合作拍戲,兩人一同框,回憶立即返晒嚟。原來二人早於拍戲前認識,麥德和曾介紹溫碧霞拍廣告,而經他獲得工作機會的,仲有梁朝偉、劉德華等大明星。

攝影:陳順禎

攝錄:詹郭敏、呂志豪

溫碧霞說當年同幾個女仔經常一起取笑麥德和。(電影劇照)

當年《靚妹仔》導演黎大煒與編劇文雋發掘林碧琪、溫碧霞與麥德和等新人,麥德和等飾演的「長樂街Perer仔」深入民心,他本身都叫Peter,而「長樂街Perer仔」亦是真有其人,跟角色設定一樣經營車行。跟角色相反的是性格,麥德和本身性格十分怕醜,自言:「掂一下女仔手都面紅、腳軟」,更遑論如角色般主動追女仔。

麥德和說:「以前啲人好純情,掂吓隻手都面紅」,戲外的他,講一句「我係長樂街Peter仔」都NG了二十幾次。(電影劇照)

翻查資料,不計2013年的《微交少女》,麥德和拍了10部戲,1988年後便再無新作,但他透露早於1983年便離開香港到內地做生意:「傷心得滯,俾人激到,拍埋《反斗妹》就疊埋心水上大陸工作。」問他為何傷心,他堅拒透露半點,只說跟工作與感情都有關,但現在回想起來,已變成笑料往事。

聞說麥德和身家過億,他談起生意就滔滔不絕,說最近研究「地球上沒有的東西」。

溫碧霞就透露,早在《靚妹仔》開拍前已認識麥德和,跟電影情節一樣,二人在中環著名夜場「Disco Disco」相識,但不一樣的是,麥德和曾介紹她去拍廣告,仲有不少大明星都經他找工作:「以前我在Disco做DJ,啲老闆好畀面我,成日拉啲女仔、男仔入去」,識咗好多朋友,變成一個團之後,幫電影公司拉人去拍戲、拍廣告。」

這些大明星包括劉德華、梁朝偉及李麗珍等大明星,麥德和透露當年做一日「臨記」人工40元,他「抽水」10元,實際只有30元到演員手上,那時是70年代尾,劉華與朝偉還未考入TVB藝員訓練班。

溫碧霞憶述拍一幕墳場神打戲時很害怕,林碧琪跟她說:「我好似見到啲嘢」。

除了「長樂街Perer仔」夠經典,溫碧霞跳落地鐵軌一同樣叫觀眾印象深刻,她憶述《靚妹仔》不少場面都是偷拍,包括地鐵月台一幕,拍出來特別真實。而麥德和與當時未成年的林碧琪拍親熱戲,亦非如觀眾所想般大膽,「鏡頭影得好,其實睇唔到,一次過冇NG,全部有衫著,唔知點解會拍到冇衫著」。

重溫《靚妹仔》經典場面

+25

事隔38年,「長樂街Perer仔」已變成身家豐厚的音響公司老闆,而溫碧霞就事業、愛情兩得意,二人異口同聲說,21世紀的「靚妹仔」比以前幸福,因為物質不缺,但亦欠缺以前的單純。

麥德和與溫碧霞合作過3次,除了《靚妹仔》與《微交少女》,仲有部作品演情侶,叫《俏皮女學生》。

鳴謝:

溫碧霞化妝:Khaki Yan/髮型:Jay Ng @ Salon De Lotus/服裝:@anaisjourden