拆彈專家2|與劉青雲18年後再合作 劉德華︰好似見番個舊朋友咁

撰文:
最後更新日期:

18年前的《嚦咕嚦咕新年財》,有「雙影帝」劉德華、劉青雲演出,二人還要是飾演死對頭,演出相當精彩,但可惜隨後便一直再沒合作。直至2020年的《拆彈專家2》,華仔、青雲相隔18年再度合作,於大銀幕前正面交鋒,同樣亦敵亦友,二人在戲外則無所不談,儼如「老朋友」一樣。

雙影帝組合相當吸引。(《拆彈專家2》劇照)

相隔多年再跟華仔碰頭,青雲直言兩人默契依然:「時間多與少跟默契沒有關係,有些演員會特別有火花,等於今次《拆彈專家2》,大家有共同理念。」華仔也認為人與人之間的緣分很特別,「每次跟不同演員合作,好似入行初期同發哥(周潤發)等演員合作都會有特別默契,就算鏡頭冇特別交代是兩兄弟,出來感覺都會畀人是兩兄弟,呢個係演員間的化學作用,正如青雲同倪妮有一場戲,我在旁邊看,令我覺得『嘩』,成套電影充滿了演員嘅努力,有意想不到嘅驚喜!」

二人角色再次是亦敵亦友的關係。(《拆彈專家2》劇照)

《拆彈專家2》中有連場槍戰、爆破、武打等場面,問到兩位影帝最難忘的拍攝場面,青雲坦言是當中一場「拯救」戲,二人登上一輛貨van,然後由吊臂將貨van吊上八層樓高,青雲說:「雖然導演有話吊高,但冇講會吊幾高,拍攝時候1、2、3就吊咗上去,我仲諗住會慢慢試,點知一take完成。」身旁華仔聞言即指:「雖然係好快,但見武指佢哋好認真,每次吊之前都會檢查條威吔有冇受損,以前拍戲就搵命博,而家會覺得被照顧,安全感好大。」

呢幕幾《暗戰》。(《拆彈專家2》劇照)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。