【星戰外傳】甄子丹整盲自己闖宇宙 打出Jedha派武術風格?

撰文:
最後更新日期:

這是甄子丹在戲中的造型,武僧智刃嚴1:1蠟像。(黃國立攝)

曾被評為本年度最令人期待之作《俠盜一號:星球大戰外傳》(Rogue One: A Star Wars Story)將在下月中上映,亞洲首輪宣傳率先在香港展開,成功殺出地球的「宇宙最強」甄子丹會見傳媒時,談及更多關於自己飾演雙目失明的武僧智刃嚴(Chirrut Îmwe)時的經歷。

星戰是時候找個中國人!

在訪談之間,有記者問甄子丹覺得《星戰外傳》邊個角色最打得?他半信半疑地回答:「我諗我係最打得㗎喇,因為其他都唔識打㗎嘛,或者深藏不露,識詠春我唔知啩。」及後言歸正傳,「你回想吓之前星戰嘅武打,好多都係中國武術嘅招式。」他續說:「據我理解,George Lucas創作星球大戰嗰陣,受咗好多東方文化、歷史及哲學影響,從故事內容去睇,呢點其實顯然易見,特別是原力呢個概念,就係與武術相連。所以,係時候搵個中國人喇!」

被問到作為首兩名華人加入《星戰》的感覺如何,甄子丹說:「作為一個香港演員,作為一個中國演員,當然好有成就感,與導演首次會面後,我就知道呢個角色嘅重要性。」顧慮到要離開家人出外工作,他起初有點拿不定主意,但抵不過機會難得的誘惑,「事後覺得好幸運,冇錯失良機。」「當知道作伴嘅係姜文,覺得更加好,因為我同佢合作過。」

甄子丹身後有Hong Kong Garrison of 501st Legion (帝國軍第伍零壹旅香港駐軍)組成的風暴兵(Stormtroopers)助陣。(黃國立攝)

自己整盲自己 用心感受原力

但要飾演一個雙目失明的武僧,算是自己武打生涯的一個挑戰嗎?「其實係我提議,當時睇過劇本之後,覺得不如令個角色變盲,咁樣做好特別,又出眾,而當你睇不到嘢,就更要用心去感受,可以同原力(The Force)扯上關係,呢個想法連導演Gareth Edwards都讚good idea。」

之不過,他說初時難以適應,「帶上特製嘅隱形眼鏡之後,我雖然睇得見,但係有啲模糊。比起原本仲難。當你完全睇唔見,身體自然進入狀態,但當你仍然睇到一啲,又要做失明嘅人,就好容易有錯覺。開頭幾個星期我都摸索緊,盡量適應如何喺漆黑環境中活動,去到片場roll機之前,我會合埋眼重拾嗰種感覺。」

配上特製的隱形眼鏡,甄子丹雙眼看起來很混濁,原來這真的會令他視力減弱。

打出Jedha派的武術風格

打功夫是身心合一的表達,點對點即時有反應,被問及有沒有把武學概念放入電影,甄子丹直言在無意之間總會滲透,「呢次星戰嘅台前幕後都對我嘅電影好熟悉,而且有一定尊重同欣賞,在現場嘅每一個take,特別係武打方面,都會同我哋去研究。」但他又說,「而喺我嘅電影世界嚟講,我大多數根據人物角色設計動作,葉問打詠春因為佢係詠春嘅一代宗師,導火線打MMA都符合角色設定。所以,即使內裡有我嘅影子,都會有迎合星戰精神嘅地方。」「我冇刻意去界定乜嘢門派,(若果你問我,我會話)Jedha門派。」

除了好打之外,甄子丹談到對角色智刃嚴的感覺,「正義、愛國、有原則、有義氣,好好打,同我有少少相似!」「一句講哂,他係一個俠士。唔只我的角色,其他人都係俠士。所以,戲名是俠盜一號嘛!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。