葉念琛重拍《唐伯虎》未感壓力 「套戲會瘋狂到極好笑」
撰文：沈洛嘉
出版：更新：
《阿索的故事》由葉念琛執導，王菀之（Ivana）、林盛斌（Bob）、姜皓文、梁漢文、蔡潔主演。戲中Ivana飾演巴士司機，原來葉念琛講明一開始，已經要求Ivana去考巴士牌！
葉念琛對Ivana考巴士牌有無限信心，無論Ivana要考幾多次都會等佢先開戲。（梁碧玲 攝）
葉念琛先講到用巴士做主題，是因為想跟觀眾拉近距離，巴士是日常大眾都會接觸到的交通工具，加上一開始設計阿索這個角色時，就已經決定要搵Ivana，完全冇擔心過佢會考唔到巴士牌，會等到佢考到為止，當然最後知道兩位考試成功都非常戥兩位開心。
電影會有大量宣傳巴士。（梁碧玲 攝）
葉念琛導演最近忙着宣傳《阿索的故事》外，更忙着剪輯賀歲片《唐伯虎》，他表示：「今次係第一次拍古裝片，入面有好多武打戲，係一個好大嘅嘗試，套戲亦都係好瘋狂，瘋狂到極好笑！（會唔會有《唐伯虎》嘅壓力？）其實真係冇，大家會見到葉念琛版本嘅《唐伯虎》。」
葉念琛版本的《唐伯虎》，將於今年賀歲上映。(網上截圖)
葉念琛最近亦忙於為《唐伯虎》做後期，表明電影會是極瘋狂，極好笑。（梁碧玲 攝）