《拆彈專家2》劉德華墮馬意外康復後狂操練:唔fit真係會畀人笑

撰文:
最後更新日期:

由邱禮濤執導、劉德華主演的《拆彈專家》,2017年上映在香港及內地取得驕人票房,而將於今年底壓軸登場的續集《拆彈專家2》,除原有班底吳卓羲、BabyJohn、姜皓文等上陣外,還邀請了重量級人馬劉青雲加盟,與劉德華湊成「雙影帝」組合,單是卡士已夠晒「爆炸」,令人充滿期待。

《拆彈專家2》係劉德華繼2017年墮馬意外康復後,最多動作場面嘅電影。(電影劇照)

故事繼續以「拆彈」為題,劉德華在片中有不少肉搏打鬥、奔跑、翻滾飛躍等鏡頭,是繼2017年墮馬意外康復後,最多動作場面的電影;向來做事認真的劉德華為求拍出理想效果,連場動作戲份均親自上陣,而且表現自如,沒有半點疲態,事後問到劉德華可有被該等鏡頭難倒?他笑言no problem:「好清楚自己身體狀況,反而武指、導演會擔心啲,我都叫佢哋唔使擔心。今次爆炸、拳腳動作等場面,過往我都曾經做過,所以能夠應付!不過如果拍攝過程一次唔得、兩次唔得、三次唔得,咁我就會比較辛苦,但導演安排好好,動作場面拍一、兩Take就完成。」

《拆彈專家2》中多場埋身肉搏場面,劉德華都堅持親身上陣。(電影劇照)

敏捷的身手固然是劉德華在《拆彈專家2》的看點,另一幕若隱若現、暗晒胸肌腹肌的畫面也甚有睇頭。劉德華表示:「老實講,身體自上次受傷之後,冇以前咁fit,我覺得喺體形各方面應該要盡快追番呢25%,當然要飲食、運動、生活各方面配合,身邊嘅人成日都讚我fit,所以劉德華唔fit真係會畀人笑,佢哋嘅鼓勵就是對我的鞭策。」

+22
+22
+22


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。