「水行俠」Jason Momoa自爆曾窮到全家挨餓:生仔又負債好難頂

撰文:
最後更新日期:

荷里活男星積遜莫瑪(Jason Momoa)入行逾20年,近年因扮演DC漫畫超級英雄「水行俠」(Aquaman)一角而聲名大噪,但他走紅前其實亦捱過好一段苦日子,近日他接受外國雜誌訪問,提到曾經因為冇工開又負債,仲要剛剛榮升人父,一度窮到冇飯開。

積遜莫瑪當年憑《權力遊戲》中「Drogo」一角而人氣急升,但之後一度無以為計。(劇照)

積遜莫瑪憶述,當年雖然憑劇集《權力遊戲》(Game of Thrones)中「Drogo」一角而人氣急升,但他透露拍畢這部劇後就冇工作,連生計都成問題:「我接唔到工作,當你有小朋友而又負債累累,真係好難頂。我意思係,拍完《權力遊戲》之後我哋要挨餓。」

積遜莫瑪透露曾經窮到冇飯開。(Getty Images)

最後積遜等足兩年才接到電影《Road to Paloma》,之後因為獲片商相中扮演水行俠而獲得關注,先在《蝙蝠俠對超人:正義曙光》(Batman v Superman: Dawn of Justice)稍稍露面,然後在《正義聯盟》(Justice League)中正式登場,到《水行俠》面世後,積遜莫瑪正式成為一線演員。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。