《靈魂奇遇記》鄭中基王菀之拍住配音　有首歌暴龍哥一唱就喊？

Pixar新作《靈魂奇遇記》（Soul）快將上映，今次廣東版由鄭中基、王菀之配音，二人為宣傳特別拍片玩「估歌仔」，由暴龍哥鄭中基考考王菀之，到底識彈幾多首Pixar的動畫主題曲。

今次由鄭中基負責出題，王菀之負責彈，仲即興jam歌一齊唱，過足歌癮！二人先唱了《反斗奇兵》系列主題曲《You've Got a Friend in Me》，呢首歌一響前奏就認得，聽足廿幾年，個個一聽就識跟住唱。開心完，就首傷感啲，鄭中基就揀來《玩轉極樂園》主題曲《Remember Me》，暴龍哥仲話一聽就想喊。最後當然唔少彈埋今次《靈魂奇遇記》的主題曲，首歌仲會話到你知，邊度係「起點之前」，到時就點止贏在起跑線。