香港聖誕電影20年大數據 劉德華7部稱王周星馳1部KO票房紀錄

撰文:許育民
出版:更新:

2020年受到疫情影響,全港戲院要封院到1月7日。未知屆時會否立即重開,但可以肯定今年聖誕,大家都冇機會入戲院睇戲。原定聖誕檔上畫的《拆彈專家2》、《神奇女俠1984》等都齊齊順延。

回顧過去20年,安排在聖誕檔上畫的香港電影,亦由開初的兵家必爭變成近年的可有可無,個個移師到攻打賀歲檔。咁到底20年來,邊位影帝有最多作品安排鎮守聖誕?邊位影帝曾經多產到,連續兩年都各有兩部戲上畫自己打自己?又有邊個一有戲上,個個都避之則吉免做炮灰變獨家獻映?現在就同大家逐一數數。

《拆彈專家2》原定今年聖誕香港上畫,可惜戲院未開只好順延。(《拆彈專家2》劇照)

劉德華最多作品聖誕上畫

2000年還算暢旺,有5套香港電影爭聖誕檔期,分別有陳冠希《特警新人類2》、古天樂鄭伊健《Bad Boy特攻》、劉德華《阿虎》、郭富城《雷霆戰警》及金城武陳慧琳《薰衣草》,戰況激烈。但去到近年,不少荷里活大製作都安排在聖誕上畫,加上港產片產量急跌,大製作又多以合拍片製作,需要配合內地映期,故大家都轉移搶攻更暢旺的賀歲檔,近10年都只剩下一、兩部香港電影選擇在聖誕上畫應下節。

2000年聖誕,有劉德華的《阿虎》,當年都是聖誕檔票房冠軍,贏了郭富城主演的《雷霆戰警》。(《阿虎》劇照)

點擊睇梁朝偉周星馳紀錄

+4