曾志偉讚曾國祥《少年的你》入圍奧斯卡巴閉:今次仲光宗耀祖過我

撰文:
最後更新日期:

曾志偉今日(19/3)現身電視城,出席無綫(TVB)真人騷選秀節目《聲夢傳奇》記招。談到兒子曾國祥執導的電影《少年的你》入圍《第93屆奧斯卡頒獎禮》「最佳國際電影」最後5強,志偉直言全家都表現得相當興奮:「尤其是我個女阿寶(曾寶儀),佢睇緊直播,知道咗就喺個電話度尖叫,話『呀!細佬好犀利!』我有打電話恭喜佢,佢問我犀唔犀利,今次係咪光宗耀祖。我話佢今次仲光宗耀祖過我,好巴閉。」

奧斯卡2021|分析《少年的你》入圍關鍵 美國影評口碑勁過本土

曾國祥執導電影《少年的你》入圍今年奧斯卡最佳國際電影最後5強。(《少年的你》影片截圖)

曾志偉為兒子感到興奮。(陳順禎攝)

志偉指本來想請兒子吃飯,可惜近期都有約而未能成事。他同時稱兒子為最幸運和最不幸的導演:「舊年金馬獎(應為金像獎)攞最佳導演,但係個獎頒唔到畀佢,因為(典禮)冇辦到,今年又因為疫情,美國可能都去唔到,但係點都開心,係一件大事嚟,咁多國家有咁多代表作,佢都入到最後5強,尤其是亞洲電影向來都比較少,今次都算係為香港增光。」他坦言兒子勝算不大,因為對手實在太強,能夠晉級最後5強已算拿到獎。

志偉想請兒子食飯慶祝。(葉志明攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。