電影《拼命三郎》上星期六正式上畫，電影由《黃金花》導演陳大利執導，譚耀文首度擔正男主角，還有林家熙（Locker）、鄭浩南、應智越（細貓）主演。剛過去的周末，譚耀文便率領導演及細貓四出謝票，其中一場觀眾要求他即場演繹電影主題曲，譚哥亦一口答應即場清唱，但獻唱不久便突然感觸飲泣，到底所為何事？

當譚哥進場時，現場都報以歡呼聲，現場有不少觀眾都讚他在《拼命三郎》中做得好好, 而且多年來都有追看他的演出，好喜歡他。現場有觀眾要求譚哥派福利，唱主題曲，譚哥都立即答應。

不過當唱到第三、四句，已開始哽咽要擰轉面。稍為整理好心情就唱下去，結果很快淚腺再次受襲，今次不單止唱不下去，更要低頭拭眼冷靜一下，才可完成餘下部分，場面非常感人。

事後譚哥表示見到謝票場好多人，又係咁不斷話睇佢嘅戲大，好多人仲拎返佢之前啲作品畀佢簽名，又讚佢今次做得好好。由於現場反應非常熱烈，令佢受到感動，一時感觸。