ANSONBEAN早前因情緒問題宣布暫別娛圈，今午（6日）他出席新戲《我們不是什麼》開戲儀式時，表示十分開心再與大家見面。「好興奮，有個咁好嘅角色，呢刻好亢𡚒，尋晚不停咁複習個角色。」ANSONBEAN表示為了角色要以斷食、跑步減磅，就連與導演見面時，都只有AK跟導演食，他只能飲水，目前已減走10KG，但會繼續減磅。

對於暫退一時，ANSONBEAN表示早前發生了太多事令自己迷失。「同公司講要休息，後來諗通自己好鍾意表演，想繼續積極，又收到劇本，喺我咁lost時遇到導演信任我。都要道歉，如果影響到人或者令大家擔心，真係唔好意思，我而家預備好返嚟，100% 做嘢。」