賀歲片《金多寶》今日（20/1）在銅鑼灣街頭舉行快閃派利是活動，同大家拜早年。演員呂爵安（Edan）、鍾雪瑩及李尚正都有出席。期間人頭湧湧，大家爭取拎利是，Edan更率先拆利是，發現是一張六合彩電腦飛，祝大家大發新年財。

Edan票房三億考慮著三角褲

活動舉行前，已聚集數百名爵屎（呂爵安粉絲名），Edan一出場就全街哄動，問到對電影的票房期望，Edan最希望可以對得住個戲名：「金多寶都係億億聲啦！」正爺更表示票房過億的話，會著三角褲出嚟派福利，仲強調唔會打底：「如果有條三角褲，咁入面仲著咩呢？」Edan則表示票房要到三億才考慮。

Edan預告尺度勁過《夜王》：我哋上半身赤裸！

今年另一部賀歲片，由黃子華同鄭秀文主演的《夜王》都來勢洶洶，Edan希望可以大家一齊好：「最緊要兩套都睇，香港賀歲片大家要支持，難得仲有兩部。」不過對方以大量女演員性感掛帥，《金多寶》又是否招架得住？鍾雪就踢爆：「Edan佢好少布㗎！」Edan更表示戲中細佬一角更會赤裸上半身。「我哋勁過對方，我哋上半身赤裸！」