陳欣妍（Shirley）今晚（25/5）現身尖沙咀出席《我的印度男友》電影首映禮。Shirley透露在電影中同印度藉男主角少不免有親熱鏡頭：「戲裡面有一幕我係好深刻，講我哋喺的士入面好激烈咁goodbye kiss，仲要係喺狹窄車廂中不停咁翻滾。」

因為要就鏡頭，拍攝期間要左轉右轉。「好彩我哋１Take過拍完呢個鏡頭。（男主角好多鬚根，拮唔拮面？）係有少少拮面。（拍親熱事前有否同對手溝通好，非濕吻拍攝？）其實我同佢都係第一次拍親熱戲，所以係唔知拍之前要溝通好，你啱啱講，我而家先知，不過好彩對方就冇伸脷嘅。」