楊卓娜（Lenna)今晚（25/5）現身尖沙咀出席《我的印度男友》電影首映禮。有份演出的Lenna表示：「其實呢部電影故事係講述跨越唔同地域，香港同印度嘅愛情故事。而我係飾演女主角陳欣妍嘅媽咪，而且又係一位非常傳統嘅中國女人，所以係故事中對有色人種有特別偏見，咁所以為呢套電影增添咗不少色彩。（老公今日有冇嚟撐場？）我老公唔得閒，我遲咗邀請佢，佢已經有約。不過唔緊要，遲啲我會再同佢買飛再入場睇。（票房有冇信心？）我係有信心，因為都好多人對印度電影都好有興趣。」