《爆機自由仁》賴恩雷諾士變「死侍」撐自己　預告評分4個牛油果

由飾演《死侍》（Deadpool） 的賴恩雷諾士（Ryan Reynolds）主演兼監製，全新動作喜劇《爆機自由仁》（Free Guy），原定上年上畫，但受到疫情影響，終於延至今年8月12日香港上映。早前賴恩雷諾士就以「死侍」造型現身，拍片睇預告，嚟個自己撐自己。

在Deadpool頻道，佢都有睇預告環節，上次就拖埋隻斑點狗一齊睇《黑白魔后》預告，仲投訴條片冇狗出現。今次都不減串嘴態度，一嚟就話《爆機自由仁》條預告睇咗成年，自嘲套戲一直上唔到畫。然後又笑Taika Waititi預告一幕，腳短短放上檯，十足四隻手咁。至於睇完嘅評分，講明撐自己，當然高分，今次就獲得4隻牛油果，有冇令人有所期待。