麥克華堡為新片增肥日吞過萬卡路里：每３個鐘就要食一餐
撰文：陳穎思
出版：更新：
荷里活影星麥克華堡（Mark Wahlberg）早前忙於拍攝新片《Stu》，戲中角色由拳手轉行做神父，其身形亦要跟隨角色轉變，他最近上節目受訪透露，為了在4個星期內增肥20磅，每日要攝取過萬卡路里，每隔3小時就要食一餐，由六嚿腹肌變成「六神合體」的過程相當痛苦。
麥克華堡為新片搏命增肥。（IG圖片）
麥克華堡日前上節目《he Tonight Show》時分享為新片瘋狂增肥的過程：「頭兩星期我每日要攝取7000卡路里，然後接下來的兩周，每日1萬1000卡路里。只有頭一個鐘覺得有趣，增肥係好辛苦、好困難嘅事，減肥只係要唔食嘢同做運動，但增肥係，就算已經好飽，仍然要食完一餐又一餐，我每3個鐘頭就要食一餐，完全唔有趣。」
近日麥克華堡已回復身形。（IG圖片）
已年過半百的麥克華堡坦言，隨著年紀增長，新陳代謝越來越慢，短時間內增肥與減肥都好辛苦，但為了心血之作就要咬緊牙關撐下去：「我花了6年時間去令這部戲成事，而我們只有30日去拍攝，所以我只能夠盡做。加上我仲好瘋狂咁投資咗好多錢落呢部戲，每分每秒都係錢，你就會想快啲殺青。」這次訪問早於今年4月時錄影，現在麥克華堡已減磅成功回復身形，實在不得不佩服他。