《媽媽的神奇小子》柳應廷二刷仍然感動 Mandy︰準備足4包紙巾
撰文：沈洛嘉
出版：更新：
由吳君如、梁仲恆（阿炳）、張繼聰、胡子彤、鍾雪瑩等人主演的熱血電影《媽媽的神奇小子》改編自殘奧金牌得主蘇樺偉的真人真事。今日（4/8）舉行首映，演唱電影主題曲的MIRROR成員Jer（柳應廷）、Ansonbean（陳毅燊）以及譚旻萱（Mandy）都有特意想捧場。
蘇樺偉本人都有到來支持。（梁碧玲 攝）
Jer今午為電影主題曲《神奇之路》進行簽名會後，表示今晚再睇多次戲已感到會相當感動，他：「今次都有好多人喺度，應該未必會喊得好勁，因為平時要係一個好放心嘅環境底下先會喊，可能會感動囉但係未必會大喊。」
Jer相信再睇多一次都會好感動。（梁碧玲 攝）
今次特意來捧場的Ansonbean和Mandy，就講到睇預告已經好感動及熱血，尤其Mandy都有眼濕濕，一早已準備好四包紙巾入場睇戲。問到3位有冇嘗試向君如自薦拍謝，Jer：「嘩，我都仲係影壇嘅小薯仔，以前都係睇佢嘅戲長大，見到佢係會好緊張，未夠膽自薦，希望遲啲有機會裝備好自己先，嚟緊有機會就會捉實。」
+1
而Ansonbean先回應：「唔夠膽。」及後補充跟Mandy一樣都要好好上堂，裝備好自己，接下來會繼續去參加試鏡，為自己爭取多多機會。