章子怡執二攤意外爆紅？　《我的父親母親》女主第一人選顏值更高

多年來張藝謀捧紅過不少女演員，手下栽培的「謀女郎」粒粒皆星，其中一位代表人物要數章子怡，當年以《我的父親母親》出道，一舉拿下百花獎最佳女主角，一片成名至今已是國際級巨星。

章子怡未畢業就獲張藝謀選中演《我的父親母親》，一片成名。（劇照）

但有消息指，原來張藝謀的女主角第一人選並非章子怡，當年他專程到中央戲劇學院揀蟀，仲鎖定目標要搵就讀表演系的校花曾黎，但碰巧當日曾黎不在學校，錯失了選秀機會，而被同屆同學章子怡取而代之。結果章子怡未畢業就成為女主角，仲拿下影后一戰成名。

曾黎美貌不輸章子怡，但際遇大不同。（劇照）

雖然曾黎畢業後成功入行，仲拍過不少作品，但對比去過荷里活發展的章子怡，實在是不同級數，論外貌曾黎絕不下於章子怡，但兩人發展大不同，或許只能怪際遇。