梅艷芳古天樂自言拍攝喊不停 林家棟讚梅姐極力提攜後輩

撰文:沈洛嘉
出版:更新:
古天樂自言喜歡《壞女孩》,爸爸都會聽《似水流年》、媽媽就聽粵曲,笑言屋企好似聯合國一樣。(葉志明 攝)

香港天后梅艷芳傳記電影《梅艷芳》今日(9/11)舉行首映暨音樂會,有份演出蘇生的林家棟和Eddie的古天樂一同接受傳媒訪問。

古天樂表示:「套戲其實拍咗好耐,終於都上,第一次睇見到呈現返7、80年代嘅香港,個感覺係好神奇,有時同啲朋友傾,而家2000年後係唔知咩係荔園、先施、妙麗,佢哋去做資料搜集時都幾有趣,佢哋都話好難搵到個場,終於團隊克服晒所有困難,呈現返當時。」

林家棟大讚梅姐非常願意提攜後輩。(葉志明 攝)

及後問到睇戲時會否好感觸,古天樂:「有呀,我細個都有去荔園、先施、妙麗、利舞臺,都有諗返起,不過而家真係變得好快。」而問到對梅姐的印象時,他直言:「梅姐我就冇同佢合作過,都係見過一、兩次面,喺我印象之中佢係一個唔會放棄嘅人,同埋佢好肯去提攜後輩,加上拍攝時代入當中已忍不住喊,就如拍《夕陽之歌》要將梅姐送上舞台都要忍着情緒。」

點擊睇音樂會現場

+6

而問到林家棟當年跟梅姐合作時,是否經常叫他講笑話,他笑言:「記得當時拍《愛君如夢》,成日都喺到講笑,佢就話『喂,講啲嘢嚟聽下啦,笑下啦』我就話好,當時我又啱啱出嚟,我好尷尬,其實我係佢fans,細個聽佢唱歌,買晒佢啲唱片,突然有個梅艷芳喺我面前喎,又一齊拍戲,感覺好奇怪但係記憶猶新,佢真係好肯提點新人,又會提點下我。同埋一位前輩成功嘅毅力同努力都喺到影響緊我哋,亦都係等於香港人精神,不停求變。」

你可能感興趣