《智齒》票房未如理想影迷代告急 林家棟：大家唔好咁執着
撰文：許育民
出版：更新：
電影《智齒》由鄭保瑞執導，林家棟、劉雅瑟主演，在優先場叫好下，於本星期四（18/11）正式上畫，但開畫票房不滯，只有13萬，令一眾影迷擔心過了周末後會被刪場次，紛紛在社交平台出post叫大家入場支持香港電影。
今日（20/11）林家棟出席粉絲包場活動，現場有一位粉絲從內地來港，令家棟非常感動：「現在要隔離比較麻煩，但都願意來港欣賞，所以就算我開緊工，都跟導演講要早走來謝票。」
林家棟專程向導演要求早一點收工，趕往謝票。（ 周倪瑩攝）
問到票房未如理想問題，家棟都如角色斬哥上身，叫大家唔好咁執着：「我比較着重口碑，最緊要觀眾覺得好睇，加上電影是三級，限制了觀眾入場人數，所以我希望獲得多點掌聲，對團隊有鼓勵作用。」
家棟希望《智齒》獲得大家掌聲，票房比較看得開。（周倪瑩攝）
家棟正在跟郭富城、任賢齊在廟街開工，城城的大賊造型早前已曝光，大家以為是齣警匪片，但家棟稱原來是黑色喜劇。「故事講三個中年男人機緣巧合下聚首，而我是位極經濟能力非常差嘅的士司機，連租架的士都殘過人，有個轆仲爆呔，要搖搖下咁揸足全場戲，之後仲有場戲要飛車㖭。」
其實廟街對家棟來說非常親切，「我由讀書到現在，都專程去廟街唱片舖買CD、DVD，由最多有5間買到現在，成份糧都吸晒，買完又食碗渣喳先走，所以好多回憶。」