《飯戲攻心》林明禎即場電暈ANSONBEAN 「你鍾意我咩嘢呢?」

撰文:許育民
出版:更新:

由黃子華、鄧麗欣、張繼聰、王菀之主演的2022年賀歲片《飯戲攻心》,將於來年大年初一上畫。電影今晚(29/12)更專程集齊戲中的鄧麗欣、王菀之、林明禎、陳湛文等人,於鑽石山一間舊式酒樓拍攝一個彩蛋加餸,其中林明禎一角就被導演大力「加餸」,為她送上18位男朋友。

探班現場就出現了4位明禎男朋友,包括吳肇軒、ANSONBEAN、林家熙(Locker)及凌文龍。(葉志明 攝)

在戲中有18個男朋友的林明禎,探班現場就出現了4位,包括凌文龍、陳毅燊(ANSONBEAN)、林家熙(Locker)及吳肇軒,問到最愛哪一位,明禎好快就指出凌文龍。「因為同佢有合作過(電影《願望扭蛋機》),佢內心好靚仔。」對於戲中的自己充滿自信,林明禎都坦言欣賞這個角色。「我在戲中是好勇敢的女仔,我都想向佢多點學習,更堅強勇敢地去做自己想做的事。」

ANSONBEAN被問到鍾唔鍾意明禎,他口窒窒地面都紅晒。(葉志明 攝)

向來怕羞見稱的ANSONBEAN,被問到鍾唔鍾意明禎,他口窒窒地說︰「鍾意,當然鍾意,(記者︰鍾意佢乜嘢?)鍾意所有嘢。」正當ANSONBEAN已經面紅耳熱招架不住,冷不防林明禎自己都追問︰「係(鍾意我)咩嘢呢?」ANSONBEAN露出尷尬表情,更開始緊張到語無倫次︰「龍馬精神同埋吉星高照!」吳肇軒在旁都忍唔住提醒︰「未到拜年部分呀!」