《小男人週記3》大收過千萬 鄭丹瑞：當自己攞咗獎
撰文：溫菁莉
出版：更新：
賀歲片《小男人週記3之吾家有喜》上映短短16天累積逾1,500萬票房，導演鄭丹瑞連同戲中一眾演員包括周秀娜、鄧月平、談善言及蔡瀚億等晚上於銅鑼灣舉行慶功宴。
《小男人週記3之吾家有喜》票房咁好，鄭丹瑞晚上連同戲中一眾演員晚上於銅鑼灣舉行慶功宴。（黃國立攝）
最開心當然是又係導演、編劇兼演員嘅旦哥，他透露短短上映16天已過千萬票房是超額完成，笑言可以有交代給老闆，「始終是純港產片，會遇到一定的困難。但今次可以贏了口碑和票房已經係贏晒，當自己攞咗獎。」會否添食？旦哥指「煮到嚟先食」，不想為做而做，「因為這套是30年紀念作品，我放了很多情懷在裏面，不能再翻兜，如果續集再用情懷，似乎唔啱數。」
他除了感激戲中演員之外，當然還有入場睇的觀眾，「我謝票時都會偷睇觀眾嘅反應，好記得戲中最後一幕是第一及第二集嘅flashback，見到有唔少觀眾眼泛淚光，除了劇情亦是對自己過去嘅經歷身同感受，好開心可以見到這樣，好似一齊成長。」
Chrissie話拍《小男人周記》前，有同旦哥商量開拍一部有關愛情旅行團題材的電影，仲話好希望可以拍得成。（黃國立攝)
至於女主角周秀娜（Chrissie）對於旦哥指電影未必會在今年添食，Chrissie就有小秘密想同大家分享，「其實未拍《小男人周記》前，有同旦哥商量開拍一部有關愛情旅行團題材嘅電影，但之後因為拍《小男人周記》所以擱置了計劃。」Chrissie笑言自己好鍾意旅行，希望電影開得成，「如果戲中可以有靚仔一齊拍咁就好啦。(如果拍檔是旦哥？）我們一齊得太多，要分開吓。」
旦哥指電影今年內不會添食，皆因今年時間表已滿：「接下來要忙綵排舞台劇《風雲5》，之後又要拍電影。」（黃國立攝）