【拆彈專家】劉華未康復缺席記招 姜皓文：佢負責好多嘢似副導演
撰文：戴嘉達
出版：更新：
《拆彈專家》導演邱禮濤、演員姜皓文、吳卓羲、蔡瀚億BabyJohn、石修及駱應鈞等齊齊亮相發布會，惟監製兼主演的劉德華仍在養傷而缺席。（梁鵬威攝）
以真實炸彈發現案為藍本的《拆彈專家》，不惜斥資1.8億打造，當中最大賣點當數1:1紅隧搭景。在灣仔香港國影視展的發布會上，導演邱禮濤、演員姜皓文、吳卓羲、蔡瀚億BabyJohn、石修及駱應鈞等現身與傳媒會面講解是次製作，並即場解構「紅隧是如何建成」。
紅隧海底隧道車水馬龍，接通香港核心地帶，邱禮濤解釋在這裏埋藏炸藥是「因為紅隧與香港市民息息相關，加上未有人咁樣用過，造成的社會震撼性大。」每逢與炸彈相關的電影，大場面一定唔少得，邱續指：「拍攝時摧毀咗二百幾架車，係我從影以來次數最多。」聽落都覺得轟轟聲。
吳卓羲從電視轉戰電影，今次無疑是個新挑戰，身邊是過來人黑仔姜皓文，未知二人有無就此交換心得。（梁鵬威攝）
蔡瀚億BabyJohn與駱應均飾演警察世家的父子，Baby的演出獲前輩大讚，但在台上劇透太多就令人替其汗顏，幸得導演提醒才無驚無險。（梁鵬威攝）
在戲中的紅隧依足真景來搭建，不論在顏色、質感及細緻位都做足工夫，姜皓文表示因爲太真，連上蓋都要封密：「不單吊威也難，入面其實仲好侷。」可想而知拍攝與建造紅隧的過程同樣艱鉅。
至於監製兼主演的劉德華仍在休養背傷而缺席發布會，談及與劉德華的合作時，姜皓文話：「華哥佢在片場著件T恤行來行去，負責好多嘢，我開玩笑講我哋請咗個好貴的副導演。」而在戲中擔任劉華助手的吳卓羲表示深受其做事細緻精神所影響，最後導演邱禮濤亦代表劇組祝福華仔早日康復，「我知道他早了出院，現在仍在休養，坐低無得挨都唔得，我喺度引用五四文學的話用語，祝佢盡快可跑跑跳跳，談談笑笑。」
為製作更迫真，導演邱禮濤（右）更專程入紅隧視察環境。（影片截圖）
假紅隧當然不是在紅磡，而是在葵涌碼頭附近昂船洲大橋下搭建。（影片截圖）