一直被指貌似卡通人物巴斯光年的金牌司儀鄧梓峰，早前獲電影公司送上《光年正傳》（Lightyear）的禮物盒，當中包括今集一直陪伴巴斯貓貓機械人襪仔（Sox），以及一隻巴斯光年玩具。

當「真人版」巴斯光年收到呢份禮物後，爆笑回應︰「對住呢套玩具，心情有啲矛盾，冇理由玩返自己㗎！」今次電影，會講番巴斯光年當太空戰士及機師的經歷，而同樣係機師的「十郎」，睇套戲時應該更有投入感。題外話，有不少網民都以為今次會由鄧梓峰配音，可惜未如大家所願，希望再有下集會成事啦！