想見你｜孫慧雪獲老公批准睇首映 原來係為BB著想？
撰文：陳穎思
出版：更新：
台灣人氣劇集《想見你》的電影版將於本月中在香港上映，三大主角柯佳嬿、許光漢及施柏宇，昨日（4日）抵港展開連續三日電影宣傳活動，晚上現身於尖沙咀戲院舉行的首映禮，吸引大批粉絲到場，當中包括近日宣布懷孕的孫慧雪。
阿雪表示獲老公批准來睇首映。（梁碧玲攝）
日前阿雪於社交網站撰長文宣布懷孕喜訊，透露今次陀B比上一次辛苦，出血情況頻密，為此打了四十支安胎針。不過今日見她出席首映時精神奕奕，見到幾位演員仲表現興奮，她接受《香港01》訪問時表示現時情況已穩定許多：「過咗頭三個月，而家穩定咗好多，報道出街之後好多朋友都擔心，好多message，我都想同大家講我OK嘅而家，舒服咗好多，冇咁攰，再冇之前出血嘅情況，所以大家可以放心」。
阿雪受訪途中看到幾位演員經過，即大叫「好靚仔！」。（梁碧玲攝）
問她是否《想見你》的超級粉絲所以來睇首映，她自稱是「施太太」（施柏宇粉絲），另外仲有一個特別原因：「好靚仔，所以特登過嚟睇，睇佢哋男、女主角都咁靚，BB會靚啲」，阿雪指老公怕她悶，所以安排囝囝跟同學去玩，兩公婆就拍拖睇戲。