【IMAX】5月底停止免費借3D眼鏡　每次買盛惠10蚊

古語有云「去迪士尼做足準備」，入戲院睇3D當然亦要帶好3D眼鏡，否則臨場發現無又要再買，買落一屋都是。唯一例外是看IMAX 3D，戲院免費讓你借用，只要離場將3D鏡丟入門口的回收袋即可。

不過這種無鏡一身輕的服務好快便要消失。UA院線發出公告，IMAX 3D眼鏡借用服務只會提供至2017年5月24日，之後觀眾就要自行攜帶專用3D眼鏡，或到售票處、小食部或者入場驗票處購買。現在至5月24日，大家仍舊可以以優惠價港幣10元買鏡，但到25日即變到港幣20元正價。

要留意的是，IMAX 3D眼鏡型號有別於一般3D眼鏡，不能互通使用。睇IMAX要用IMAX專用鏡，而普通3D場次則要用回普通3D眼鏡，若每次都忘記帶每次都要買的話，家中眼鏡隨時多到可以開眼鏡舖了。