《金手指》「無間」班底廿年後再合作 劉德華︰重新審閱梁朝偉

撰文:莫匡堯
出版:更新:

香港電影《金手指》今日(14日)於香港國際影視展舉行發布會,主創團隊由導演莊文強攜同梁朝偉、劉德華、蔡卓妍、任達華與方中信等演員一同出席。

《金手指》導演莊文強攜同梁朝偉、劉德華、蔡卓妍、任達華與方中信一同出席香港國際影展活動。(陳順禎攝)
《金手指》導演莊文強攜同梁朝偉、劉德華、蔡卓妍、任達華與方中信一同出席香港國際影展活動。(陳順禎攝)

播放《金手指》先導預告後,莊文強導演於台上分享拍攝電影最深刻之處:「咪就係劉先生同偉仔、同埋咁多演員合作囉!」莊導亦一貫口密,不透露太多細節:「電影係睇嘅!」

莊文強導演指電影最深刻之處就是梁朝偉與劉德華再度合作。(陳順禎攝)

《金手指》的男主角之一,偉仔在活動上分享了是次演出的特別之處:「我覺得對我嚟講係好新鮮嘅角色,我好少有機會有呢一類嘗試,今次我覺得係點樣由一個普通人、受過高等教育,後來因為好多因緣、機會,成為一個世紀詐騙案嘅主謀。」另一位男主角劉德華亦表示今次機會難得:「重新再審閱一下偉仔呢個人,以前同而家嘅角色,喺今次真係感受到唔一樣嘅一份邪氣。」他續指:「我係做一個調查員,所以同所有角色都有對手戲,睇到有好多好好、同埋好多新嘅演員!」

梁朝偉在活動上表示,《金手指》的演出新鮮,少有機會作類似嘗試。(陳順禎攝)
劉德華亦表示角色令他與不少新晉演員有對手戲。(陳順禎攝)

女主角阿Sa則分享角色的難得與特別之處:「可以同咁多影帝演員合作,今次角色好唔一樣,比較成熟。」

任達華透露戲中的角色是一位貪婪、貪勝的人。(陳順禎攝)

同樣有份主演的任達華亦介紹自己的角色:「係一個學歷好高、喺外國返嚟。一個貪婪、貪勝嘅人,最後輸得好慘,其實貪婪唔係一件好事!」而方中信則表示與各位影帝合作非常輕鬆,更揚言:「唔收錢都要拍㗎喇!」

點擊下圖看梁朝偉破格造型:

梁朝偉於《金手指》裡飾演奸角,預告片段中盡顯邪氣。(《金手指》預告截圖)
劉德華則飾演執法部門人員,與梁朝偉正邪對立。(《金手指》預告截圖)
梁朝偉在電影中展現極盡奸狡的面貌,為往日作品鮮見的形象。(《金手指》預告截圖)
梁朝偉在預告中的交易現場,令人聯想到《華爾街狼人》裡的里安納度狄卡比奧。(《金手指》預告截圖)
梁朝偉在電影中甚少演譯囂張、霸道的角色。(《金手指》預告截圖)
劉德華帶領執法人員力抗梁朝偉。(《金手指》預告截圖)
梁朝偉在電影中的世界極盡紙醉金迷。(《金手指》預告截圖)
梁朝偉與劉德華繼《無間道》後,二十年來首次再度合作。(《金手指》預告截圖)
梁朝偉與劉德華主演的《金手指》由《無間道》編劇莊文強自行執導。(《金手指》預告截圖)
梁朝偉與劉德華之間有別《無間道》,敵對關係更緊張、亦有不少正面交鋒的場面。(《金手指》預告截圖)
梁朝偉於《金手指》的角色形象極為奸狡。(《金手指》預告截圖)