12日｜群星客串加持 鄧麗欣、馬志威被試當真許賢搞到係咁NG
撰文：鄺鈺瑩
出版：更新：
；由伍健雄監製、林愛華執導嘅《12日》將在本月底上映。
由鄧麗欣同馬志威主演嘅《12日》是23年前《12夜》嘅後續作品，用12日道出10年夫妻關係。試當真嘅許賢、蘇豪喺戲中繼續發放笑彈。二人與模特兒出身的范麒智，扮演茶餐廳伙計，Stephy與馬志威見到2人即被考起演技。該場戲分講述Stephy與馬志威，在茶餐廳開餐，許賢和蘇豪一出一入不停打擾2人談情，令場面彷如上演一場麥兜式對話。
陳湛文都有客串一角。
許賢與蘇豪一本正經的表情，卻依然充滿喜感，結果每次出場站在Stephy與馬志威面前時，都令他們難以忍笑，Stephy更一度焗蟹，導演一喊Cut，她與馬志威隨即笑到彎腰，Stephy都不好意思說：「開咗掣就好大鑊，笑唔停。」事後問許賢及蘇豪，他們可會想到令Stephy與馬志威喪笑，蘇豪即笑言：「我有諗過，成日都係咁。」但許賢則道：「我冇諗過，所以後來我特登唔望佢哋，睇下可唔可以幫佢哋忍笑，好似都有幫助。」
在婚宴中扮演奶奶嘅李影早已淡出幕前，今次驚喜現身，觀眾有福。