命案｜馮素波入場支持「孫仔」Lokman 親筆影評獲激讚好文采
撰文：陳穎思
出版：更新：
由鄭保瑞執導，影帝林家棟及MIRROR隊長Lokman楊樂文主演的《命案》正在上映，曾與Lokman在Viu劇集《繩角》飾演兩嫲孫的馮素波，日前在Facebook出Post透露入場欣賞《命案》支持「孫仔」Lokman，仲寫下一段百多字的影評，獲網民大讚好文采！
馮素波在文中寫道：「收工直奔戲院，繼續支持香港電影，當然仲有你」，呢個「你」肯定係Lokman。（Facebook圖片）
馮素波如此點評《命案》：「全片是講述一個「信」字。互不信任百惡纒身，互相信任百花盛放。人性本善抑或人性本惡，憑藉心的一念如何改變自己？Lokman演活了人性本善。他知道自己的邪惡，不能自控，信任算命先生(林家棟)為他改命，而後為修「心」。在惡的一念出現時，發現一只螻蟻在一潭死水掙扎，簷前滴水給螻蟻一綫生機游上路邊，那一刻令他「悟」出善念。結局係因緣果報，他可以吹著口哨朝向光明大道前進！心一念向善，係可以改變宿命嘅！願大家萬事順利！身體健康！」。
Lokman在《命案》的表現獲一致好評。（劇照）
網民大讚：「波姐文采好好喎，影評文章簡潔有力」、「波姐講解得好，令我更明白劇中喻意，果然是演藝人」、「嫲嫲精而準」、「講得好好，睇得好透徹，勁」、「簡而精而劇透但增加入場意欲嘅優質影評」。