康城影展｜范冰冰一日趕兩場活動 床單造型炒車引網民熱議
撰文：陳穎思
出版：更新：
本屆康城影展正進行得如火如荼，內地女星范冰冰連日來行程緊密，昨日連走兩場活動，兩個造型都引起網民關注，一個性感一個騎呢，同樣吸睛！
冰冰呢個造型似披床單上身。（視覺中國）
范冰冰出席珠寶品牌活動，以白色單肩長裙現身，但霎眼睇似將床單披上身，剪裁累贅完全掩蓋了冰冰的美好身段，加上髮型凌亂，今個造型可算是她在本屆影展中最炒車的一個。
呢個Look就氣場返晒嚟！（視覺中國）
之後冰冰換上Miss Sohee的高訂服出席致敬女性電影人晚宴就扳回一城，上半身透視配以閃石構成的圖案，性感又高貴，加上巨型頭飾，「范爺」氣場即時返晒嚟！