人肉叉燒包｜黃秋生回應分屍整包情節：一個人搞一家有乜可能？
撰文：陳穎思
出版：更新：
1993年上映的《八仙飯店人肉叉燒包》，令黃秋生初嚐影帝滋味，今日他突然在Facebook出Post回應戲中分屍做包的劇情，更借蔡天鳳案作比喻，形容「咁多人搞一件都搞唔掂，一個人搞一家有乜可能？」，引起網民熱烈討論。
黃秋生回應《人肉叉燒包》分屍一幕，借蔡天鳳案作比喻。（劇照）
原來黃秋生出Post是為了回應在書展簽名會上收到的粉絲信，他寫道：「有個叫做菜菜嘅女仔，尋日喺書展簽名時俾咗封信俾我，寫得好有禮貌，入面問咗我幾個問題，我唔想令佢失望，即管扮下南宫夫人，回答如下：叉燒包係咪黃志恆一個人喺一晚完成嘅，睇最近單蘿蔔湯就知，咁多人搞一件都搞唔掂，一個人搞一家有乜可能？失眠同叉燒包都冇影響我，意思係喺心理層面。只有我影響電影，冇電影影響我。謝謝妳的支持」。
黃秋生在今屆書展推出自傳《秋生回憶》。（Facebook圖片）
雖然《八仙飯店人肉叉燒包》改編自真實案件，但將屍體做成叉燒包的情節並沒有根據，黃秋生的精湛演技令這段情節深入民心，他熱心回應粉絲的提問當然獲大讚，一句「只有我影響電影，冇電影影響我」亦霸氣十足。