香港夜繽紛｜觀眾擔心睇完午夜場冇車返 黃百鳴︰可以坐的士
撰文：鄺鈺瑩
出版：更新：
黃百鳴認為觀眾睇完午夜場之後可搭的士返屋企，順勢帶動交通業。（梁碧玲攝）
「香港夜繽紛」有多項優惠，當中有部分戲院推出不同夜場購票優惠，如夜晚9點起場次為早場優惠價，而旺角百老匯晚上11時後的場次票價更只需35元。
黃百鳴曾受邀投資虛擬貨幣，但他認為投資電影更實在，所以未有參加。（梁碧玲攝）
黃百鳴今晚（19日）出席《孤注一擲》首映時，身為電影製作人，他表示電影票價早已試過半價吸引觀眾入場，成效明顯，所以之後已有政府官員提議可每季舉行一次。黃百鳴︰「因為疫情時大家都慣咗喺屋企睇戲，但你睇80年代啲午夜場好多人，而家唔好話午夜場，9點半之後都無人，所以政府應該做多啲呢啲活動，令觀眾漸漸習慣返入場，而10月1日所有戲院都半價，希望帶動到。」
百老匯旺角午夜場票價劃一$35元，優惠直至本月27日。（百老匯院線Facebook）
雖然票價有優惠，但有觀眾覺得睇完夜場要趕尾班車，甚至無車返會得不償失。黃百鳴︰「80年代都無地鐵，咪坐的士，所以的士生意好好，甚至午夜場門口啲攤檔都好好生意，其實有觀眾自然就會有交通。」黃百鳴又指疫情時較少「大片」，但隨著「大片」慢慢回歸，更能吸引觀眾入場。