【壞蛋掌門人3】黎耀祥犀利哥式唱《紅蝴蝶》 法拉提議做主題曲

最後更新日期:

大人小朋友都喜愛的《壞蛋掌門人》出第三集喇!今次犀利哥想金盆洗手,但又欲斷難斷,跟一班可愛minions之間,又有甚麼千迴百轉的搞笑場面呢?要入場看過才知!不過我們可以預先知道的就是今次除了有視帝黎耀祥繼續聲演犀利哥外,更找來美女陳法拉為犀利哥老婆露露配音。不知兩位又怎樣看《壞蛋掌門人3》中的各位大壞蛋與小壞蛋呢?

大人細路都愛呢隻黃色嘅小壞蛋!

哇,法拉細細個原來咁拽,真係估佢唔到!(黃國立攝)

電影中犀利哥是個有點笨的壞蛋,常常鬧出笑話。那麼現實中的祥仔與法拉又有沒有做過甚麼壞事呢?祥仔就笑言:「做演員就係最大嘅壞事,有咩可以壞過做演員?」不要誤會,法拉立即幫祥仔補充:「戲入面嘅角色好壞。」不過祥仔又再講演員經常浪費食物,叫完一堆吃不完便丟掉。不過話不要亂說,一會讓TVB有藉口Cut伙食Budget,祥仔就變成千古罪人!至於看似是乖乖女的法拉,你完全估佢唔到都有壞蛋過!「我細個偷人單車,然後將零件拆件,分贓畀其他小朋友。」嘩,原來法拉才是壞蛋掌門人!

祥仔法拉對上次合作已是2013年的《法外風雲》,相信沒人想過二人再合作會是以配音的形式吧!

大家又會不會像法拉祥仔般,有時會浮現些邪惡的念頭呢?

小時候相信不少人都幻想過自己是英雄、超人或是公主。那麼又有沒有幻想過自己是壞人呢?法拉:「其實都有,每個人都有壞人嘅基因。頭先有個職員著住公仔服扮Minions,我有一刻好想推跌佢,一定會好好笑,佢會起唔返身。」當然法拉忍住這股衝動沒如此做,一旁的祥仔聽到法拉的主意亦如搗蒜般頻頻點頭認同:「係喎!真係每次見到人著公仔衫都想推跌佢!」看來環球請了正確的人做配音,兩位骨子裏都是小壞蛋!

兩位都是喜愛Minions的人士,那麼現實生活中接觸過那麼多藝人,當中又有哪位演員最似這班小壞蛋呢?祥仔起初臉有難色:「好少人把聲咁奇怪。」法拉就提他有沒有人是衰衰格,又經常成群結隊。祥仔眼神忽然一亮:「TVB好多喎,TVB好多呢啲人喎!」不過口密的祥仔就沒透露到底是誰。「咁大家自己估吓啦,呢啲嘢。」看來祥仔都似有所指!不過大家不要誤會,他說看是指成群結隊的人而已,至於是否「衰衰格」、「奸奸哋」就大家猜猜吧!

祥仔大爆TVB人似Minions,有冇咁Cute先?

祥仔一直是御用的犀利哥配音,配足3次應該對犀利哥的聲音瞭如指掌,之前拍《巾幗梟雄之義海豪情》時,唱的經典歌曲《紅蝴蝶》令人印象深刻。未知祥仔能否用犀利哥的聲音唱幾句《紅蝴蝶》呢?雖然任務艱鉅,但祥仔都唱了幾句副歌,並言:「下次等我返去研究吓點用犀利哥把聲唱。」法拉聞言即說:「下次可以用嚟做主題曲。」如果環球影業肯的話,效果都應該幾爆笑,不如認真考慮考慮?

祥仔用犀利哥把聲唱《紅蝴蝶》其實都幾好聽,又有效果。做主題曲有得諗!

髮型:Alex So @ The Attic(陳法拉)
   Ivan Lee @ Headquarters(黎耀祥)
化妝:Mon Cheng @ Annie G. Chan(陳法拉)
服裝:Emporio Armani(陳法拉)
 


 



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。